Rakhine Ram Chung Khuabawi 90 nih Rian Dinhnak Ca an Tial

| The Chin Journal | Hakha, Chin State

Rakhine ram Mruak-u pengkulh chung i a ummi khuate khuabawi 90 nih penguk zung ah rian dinhnak ca an tial.

Khuabawi 90 nih cun humhimnak a um ti lo tiin an i funtom hna i hmunkhat ah rian dinhnak ca an tial. Mruak-u pengkulh chung ah hin khuami 103 an um i 90 nih chuahnak ca an tial hi a si.

Mruak-u peng khuabawi pawl caan hmaan tuah tawnmi meeting Mruak-u khua penguk GAD zung ah an tuah lio ah khuabawi 4 palik nih an rak tlaih hna. Cu ruang ah cun, atu bantuk in rian dinhnak ca an tial hi a si.

Rian chauhnak ca an tialmi chung ah khuabawi pawl ca humhimnak a um ti lo, dirkamhtu an ngei lo, a bik in sualphawt an si zungzal ruang ah timi pawl aa tel.

Cu lawng siloin, penguk bawi sin theihternak zeihmanh tuah hmasa loin khuabawi an rak tlaihmi hna hi uknak lei an tlerhkhawnh bia a si timi zong aa tel.

Khuawbawi pali an tlaihmi hna kong ah penguk bawi zong nih zeihmanh a bawmchan kho hna lo.

“Penguk bawi zong nih dirhkamhnak/tuanvo lakpiaknak a ngeih lo ruang ah khuabawi vialte nih nihin ah dinhnak ca kan tial. Zung hmanmi tazik (seal) pawl zong kan ap dih cang” tiah khuabawi U Maung Thein Htun nih a chim.

 

Latest News