Rakhine ah Mizei a Si Hngalh Lomi Nu Pakhat a Ruak in an Char, A Pawng ah Bawngbi Chungnawh le Bawli Zong an Hmuh

| The Chin Journal | Hakha, Chin State

Rakhine ram Min-pyae peng ah mizei a si hngalh lomi kum 30 hrawng minung nu pakhat hliamhma he a ruak in an char. Hi thil a can hi April 2 ah a si.

Nu pakhat ruak cu Min-pyae peng, Ke-ta-la khua lonh lam cung ah an hmuh hi a si.

Hi kong he pehtlai in Pha-lawng khua uktu U San Thein Maung nih “Nizaan ah thawng an kan thanh i zaanlei suimilam 3:00 ah thil a cannak hmun kan va kal. Ke-ta-la khua lonh lam cung ah a si. Kanmah khuakomh area ah a si lo, Chaung-wa khuakomh ah a si. Hlingchunhnak hliamhma he kan hmuh. Khoika khuami a si kan thei lo” tiah a chim.

A thimi nu ruak pawng ah bawngbi chungnawh le bawli hmuh a si. Cun, Mitbenh pakht le tangka Ks. 10000 ca pakhat zong a ttang cung ah a um. Tlaihhrem timh dawh a si, April 2 zinglei hrawng ah an thahmi a si kho tiah U San Thein Maung nih a chim chap.

“Nizaan ah palik an rak phan. A ruak cu Min-pyae siizung ah an kalpi. Hling in an sawh, Screwdriver in an sawh hnu ah tlaihhrem an timhmi bantuk khi a si” tiah a chim.

A thimi nu ruak cu kiangkap khua 8 in khuami hna nih an rak zoh. Sihmanhsehlaw an hngalhmi a si lo, kan pawngkam khuami a si lo tiah U San Theih Maung nih cun a chim chap.

-Narinjara

Latest News