Rakhine ah Bomb Puahnak in Kum 68 Tarpa a Nunnak Liam, Minung 2 Hliamhma an Tuar

| The Chin Journal | Hakha, Chin State

Rakhine ram, Mruak-u peng khuate ah thing hau ding in a kalmi khuami 3 bomb nih a puah hnawh hna i kum 68 tarpa a nunnak a liam, minung 2 zong hliamhma fak an tuar tiah Narinjara nih a langhter.

March 6 ah Mruak-u peng Ok-tha-kan khuami U Htun Sein Oo (kum 68) le khuami pahnih cu thing hau ding in ramlak ah an kal. Cu ah cun bomb nih a puah hnawh hna hi a si.

Khuami pakhat nih “Thing hau ding in an kal cuahmah lio ah bomb an i lamh sual. U Htun Sein Oo cu a orhlei kee aa tan, a thichuah a luan tuk caah a nunnak a liam hi a si” tiah a chim.

Bomb an i lamhnak hmun hi a hlan ral an rak i dohnak hmun a si tiah a chim chap.

U Htun Sein Oo nih a nupi le a fale pathum mual a liamtak hna.

Photo-Narinjara

Latest News