Pu Thawng Kian Chungkhar nih COVID-19 Mizaw Zohkhennak Ting 25 Sizung ah Hlut

| The Chin Journal | Hakha, Chin State

Pu Thawng Kian chungkhar (Mercypar Co.,Ltd) nih Hakha sizung ah aa thlop liomi COVID-19 mizaw pawl zohkhenhnak ca ah ttin Hakha sizungpi ah Ks. 2,500,000 an hlut, tiah Hakha sizung nih Facebook ah an langhter.

Pu Thawngpang Kian te chungkhar hlutmi tangka cohlannak le roca peknak zong Hakha sizung nih October 14 ah an tuah.

Atulio Hakha sizungpi ah COVID-19 mizaw panga a um. Hi mizaw panga hi Hakha ah hmun dang in a rak tlungmi an si hna.

Chin ramkulh huap in minung 3,536 hi October 13 tiang ah COVID-19 an ngeih le ngeih lo zohfel an si cang i, cu chung ah cun minung 50 sin in COVID-19 zawtnak hmuh a si cang.

A rak dam cangmi hna he fonh in Hakha ah 6, Thantlang ah 1, Falam 1, Tedim 8, Tonzaang 10, Mindat 22 le Matupi ah 2 tiin COVID-19 zawtnak a ngeimi hmuh an si.

Latest News

News in Burmese