President Win Myint le Daw Suh Taza an Cuai Hna

| The Chin Journal | Hakha, Chin State

Ralkap nih February 1 ah an tlaihmi hna Myanmar rampi President U Win Myint le State Counselor Daw Aung San Suh Kyi cu February 3 ah taza an cuai hna tiah theih a si.

Suh Kyi hi ralkap nih a innchung thilri an check lio ah ramdang lei in kuatmi i chawnhnak Radio pakhat an hmuh.

Cu Radio cu ramdang lei in phungning loin Kawlram ah luhpimi a si tiah an ti pin ah Suh Kyi nih phungning loin a hman, tiah an ti i pohma no. 8 (Import/Export Law) in taza an cuai.

Cun, Myanmar President U Win Myint hi September 29, 2020 lio ah President inn pawng ah minung 700 he an i pum tiah sual an phawt i, ngandamnak lei runvennak upadi pohma 25 in tazacuai a si ve.

Suh Kyi le U Win Myint cu February 15 tiang hren rih ding in Naypyidaw palik nih Zamyothiri biaceih zung ah nawl an hal.

Taza an cuai hnanak pohma pawl hi an sual hmuh ahcun thonginn kum 3 tiang thlak khawhnak le tangka liamter in dantat khawhnak pohma pawl an si hna.

Cherhchan: Frontier Myanmar, The Straits Times

Latest News

News in Burmese