/

President Trump nih Jerusalem ah US Embassy a Thawn Ruang COVID-19 a Tlung Tiah Hamas nih Sualphawt

The Chin Journal | Hakha | Chin State

US President Donald Trump nih Jerusalem ah US Embassy a thawn ruang ah COVID-19 zawtnak a tlung tiah Hamas hriamtlai bu hruaitu Yahya Sinwar nih sual a phawt.

Hiti a chimtu Yahya Sinwar hi Palestine ralkap bawi a si pin ah atulio Gaza Strip ah a ummi Palestine Sunni Muslim hriamtlai bu Hamas i an hruaitu zong a si.

Anih hi Hamas hriamtlai bu dirhtu lei ah aa telmi a si i, atulio Hamas hriamtlai bu zong ah nawlngeihnak sang bik pahnihnak a ngeimi a si.

“Donald Trump nih COVID-19 bawmhnak $2.2 Trillion minsen a thutmi ka hmuh tik ah ka mitthlam ah a cuangmi cu Jerusalem ah US Embassy thawn ding in minsen a thut lio kha a si. Atu ah a rak tuh bang in a zun ko cang,” tiah Yahya Sinwar nih a chim.

Cu lawng si loin, atulio vawleicung ah a cangmi COVID-19 zawtnak hi Donald Trump nih Jerusalem ah US Embassy a thawn ruang ah dantatnak a tlungmi a si, tiah a nolh chap.

Aluancia May 14, 2018 ah khan Israel ram Tel Aviv khua ah a ummi US Embassy cu Jerusalem ah President Trump nih a rak thawn.

Hamas ralbawi Yahya Sinwar nih President Trump sual a phawt lawng si loin Israel cung ah COVID-19 tlerhkhawnnak zong a tuah chap.

“COVID-19 ruang ah Gaza ah a ummi kan miphun pawl an thih a si ahcun Israel ram milu 6 million thawchuah kho loin kan tuah ve hna lai,” tiah a chim.

Tutan zarh cacawn ninga ni ah khan Al-Aqsa TV le Shehab News Agency hmang in  Yahya Sinwar nih biachimnak a ngei i, cu lio ah cun a cunglei bantuk in a chim hi a si.

Ref: The Jerusalem Post

THAWNG THAR

The Chin Journal Internship Program ah Thantlang, Hakha le Falam ah a ummi paoh i tel khawh a si. Hi Internship Program ah i tel na duh ahcun APPLICATION FORM hi phi ve.