President Trump Chan ah US Minak Rianngeilo Milu a Niam Bik Caan Phan

| The Chin Journal | Hakha, Chin State

President Donald Trump chan ah US ramchung Minak pawl rian ngei loin a vaimi milu an tlawm bik caan a phan, tiah CNN nih a langhter.

US Labor Department nih US ramchung ah khua a sami Minak, Hispanic le Mirang tiin rianngeilo milu relnak/tahnak (Unemployment Rate) hi 1970 hnu in a rak tuah zungzal.

Hlanlio ah cun US ramchung Minak rianngeilo hi zatuak in 6% hrawng a niam bik rak si nain August 2019 ah cun 5.5% ah a tla. May 2018 ah khan 5.9% a rak si i, August 2019 a hun phak ah Minak rianngeilo milu a hun zor deuh ngaingai.

Atulio US ramchung Minak rianngeilo zatuk 5.5 a si i, Hispanic rianngeilo zatuak 4.2% a si ve. Cun, Mirang rianngeilo zatuak 3.4% an si.

US ramchung zapi huap in cun rianngeilo in a ummi hna hi zatuak in 3.7% an si, tiah Labor Department nih a langhter.

Donald Trump President a hun si hnu in ramchung rian sersiamnak lei pehzul in an hun tuah thluahmah i atulio US ramchung Unemployment Rate hi kum 50 chung a zor bik caan ah kan phan deng cang, tiah CNN nih a langhter.

Latest News