Pope Francis: COVID-19 Sii Hi Vawleicung Hmun Kip ah Phawtzamh Hrim Awk a Si

| The Chin Journal | Hakha, Chin State

COVID-19 thlopnak sii hi vawleicung hmun kip ah mizaw kip nih fawi tein an hmuh khawh nakhnga kan phawt dih hna awk a si, tiah Pope Francis nih nihin ah a chim.

Pope Francis nih nihin vawleicung mizapi sin ah thawngttha chimnak a ngei i, COVID-19 sii serchuah khawh ding in sii lei thiamsang pawl a forhfial hna hnu ah cu sii cu vawleicung hmun kip ah kan phawt hna awk a si, tiah a chim hi a si.

Atulio ah cun US ram, California ah a ummi Gilead Sciences nih a serchuahmi “Remdesivir” sii hi COVID-19 thlopnak ah ruahchannak a um bik, tiah Johns Hopkins University le WHO nih an chim.

“Remdesivir” sii cu sizung ah aa thlopmi mizaw hna ca ah hman ding in May 1 ah khan US FDA nih nawl onhnak zong a tuah cang.

Sii a serchuahtu Gilead Sciences nih “Remdesiver” sii dur 1,000,000 zong alak in a hlut cang i, atu kum donghlei ah hin a tlawm bik dur 100 million serchuah khawh ding in Gilead Sciences nih timhtuahnak a ngei.

Cherchan: Reuters

Latest News

News in Burmese