Phone Power Rawnnak Pawng ah a Itmi Tlangval a Ruak in an Hlawm

| The Chin Journal | Hakha, Chin State

Thailand ram, Nong Bua Daeng peng ah kum 18 tlangval pa cu a pawng ah Power Extension chiah buin a it i a thaizing ah cun a ruak in an hlawm, tiah theih a si.

September 26 ah khan Nong Bua Daeng peng, Moo Tha Yai khuate ah kum 18 a simi Suthee Semaphet cu a ihnak pawng ah Power Extension a chiah, cun, a phone tha a rawn pah i cuticun a hngilhtak.

Tlangval pa i a ttang nih, “Zaan ah a au thawng voi khat hranwg kan theih. Asinain, Game aa kahnak ah a aumi a si lai tiah kan ruah i kan vung zoh lo. Nehhnu ah atu bantuk in a nunnak a rak liam hi kan hmuh,” tiah a chim.

Tlangval Semaphet a ruak an hmuh lio ah hin a orhlei ban cu Power Extension cung ah a rak um. “Electric leihnak in a nunnak a liam hi a si,” tiah Nong Bua Daeng palik zung nih an fehter.

September 26 ah atu bantuk in thil a hun can lecangka in ngakchia pawl nih game an i kah tik ah Power Extension kha ihnak pawng ah chiah lo ding in le hngilhtak lo ding in nulepa zong nih tha tein nan zohpiak hna lai, tiah Thai palik nih ralrin peknak an chuah, tiah theih a si.

-Daily News Thailand

Latest News