Phakan Kahdohnak ah SAC Ralhrang 15 an Thi

| The Chin Journal | Hakha, Chin State

Nihin July 14 zaanlei ah Kachin ramkulh, Phakan ah SAC ralhrang le KIA karlak kahdohnak a chuak i SAC ralhrang lei in minung 15 an thi, tiah theih a si.

Phakan peng chung i Gaw Lu Yang Mare timi khuate pawng ah zaanlei sml. 4:00 hrawng ah KIA nih SAC ralhrang pawl an kah hna hi a si.

“Meithal kah thawngpang cu a thang ngaingai. SAC ralhrang lei in minung 15 an thi,” tiah khuami pakhat nih Irawaddy ah a chim.

Phakan lei in a rak ttummi pawl KIA nih lam tanttim ah an kah hnami a si i, minute 20 chung hrawng i kahdohnak a rau.

KIA le SAC ralhrang karlak kahdohnak hi Kachin ramkulh chung lawng ah si loin Sangain ramtthen chung zong ah pehzul in a um.

July 7 in July 12 tiang ah Kachin ramkulh le Sagaing ramkulh chung ah KIA le PDF i bawm in SAC ralhrang he kahdohnak voi tam ngai a chuak i SAC ralhrang lei in minung 180 hrawng an thi, tiah Katha-PDF nih thawngpang an rak chuah.

Advertisement

Thawngpang Thar