Phaiza Khua ah Siangngakchia Cheuchum an Zawt Caah Sianginn an Khar

| The Chin Journal | Hakha, Chin State

Tedim peng, Phaisa khuate ah siangngakchia cheuchum cu tlangrai phun khat nih a tlak hna raung ah sianginn kai kho loin an um i September 6 thawk in sianginn zong an khar, tiah theih a si.

Phaiza khuate BEHS (Branch) ah siangngakchia 230 an kai i cu chung ah cun 110 an zaw i sianginn an kai kho lo.

Phaiza khua uktu U Nang Ko Thang nih, “Hiti an zawt hi zarh khat hrawng a si cang. Kum 15 tang ngakchia deuh an zaw hna. Upa a zawmi cu minung 10 hrawng an si. A tak a lin i an lu a fak. Tuithang sizung uk le sayama pathum nih an thlopbul hna. Sibawi nih cun ngakchia an zawt kong ah thil sining amah ning a si ko a ti. Sianginn zong an khar. Nikum kum chin zong ah atu bantuk hin an rak zaw bal cang hna. Zei zawtnak a si kan thei lo,” tiah a chim.

Atu siangngakchia 110 an zawtnak Phaiza khuate hi Tedim he meng 18 a hlatnak ah a ummi inn 179 khuasa an si.

-Zalen

Latest News