Party Mee Pek aa Palh Sual Ruang ah Amahte in a Kutdong aa Tan

| The Chin Journal | Hakha, Chin State

India ram ah ‘Pawan Kumar’ timi pa nih vote pek a timhmi party pek loin a dang party a pek sual ruang ah amah le mah a kutdong aa tan.

Kumar nih hin Regional Party vote pek a timh. Asinain vote peknak seh cung ah a phunphun in symbol pawl aa cawhhnok dih tikah a lung a buai i Bharatiya Janata Party vote a pek sual.

Vote pek tikah hin cahaang a hloh har ngaimi kut ah thuh in namh a si tawn. Kumar cu nizaan (April 18) ah khan Uttar Pradesh peng, Bulandshahr ah vote cu a thlak ve.

“Vote pek ka timhmi cu Vui a si. Asinain, Pangpar hmanthlak tu vote ka pek sual” tiah Pawan Kumar nih a chim.

Bharatiya Janata Party (BJP) i an logo hi pangpar a si i Bahujan Samaj Party (BSP) tu cu Vui a si. Kumar nih a kutdong aa tannak kong cu video in record a lak hnu ah online ah a langhter.

-BBC

Latest News