Palik Zung Zunput Chung ah Nu Pakhat nih Nausem a Ngeih Hnu ah a Hlonh

| The Chin Journal | Hakha, Chin State

Thailand ram, Chiang Mai khua palik zung zunput chung ah nu pakhat nih nausem a ngeih. Cu nausem cu tuanvo lak thai loin a nu nih a zaamtak tiah Thai thawngzamhca pakhat nih a langhter.

Nausem a hlonhtu nu cu Feb. 26 zinglei sang ah palik zung zunput a rak ra. Nausem a ngeih hnu ah a naute cu a kaltak tiah palik nih an chim.

Hartong bawmtu hna nih nausemte cu an lak i siizung ah an kalpi. “Zunput ekeknak chung ah nausem te cu a laihri he a rak um” tiah hartong bawmchantu pakhat nih a chim.

Nausem a hlonhtu aho si timi an hngal lo. Palik nih CCTV in kiangkap hrawng chekhlainak tuah an timhnak in CCTV a rawkmi lawng te a rak si.

Asinain, hmundang i a ummi CCTV in kawlhawl an timh.

-DVB
Photo: Chiang Mai Citylife

Latest News

News in Burmese