Palik 5 le CCPR Rianttuan Tlaih an Si Hnu ah Ralkap nih CCPR Zung an Luh Hnawh

| The Chin Journal | Hakha, Chin State

Nihin zinglei sml. 9:00 hrawng ah Hakha khua i Chin Center for Peace and Reconciliation (CCPR) zung ralkap nih an luh hnawh i atu ca kan ttial tiang ah hin CCPR zung ah ralkap an um peng rih.

Nizan ah khan Thantlang phak hlan Laipawnglung ah Hakha lei in a rak rami CDM a tuahmi palik panga, motor mongtu le CCPR rianttuantu minung pakhat tlaih an tong.

“Nizan ah Thantlang phak hlan ah CDM a tuahmi palik panga le CCPR rianttuantu pakhat le motor mong an tlaih hna. CCPR nih CDM a tuahmi pawl an bawmh hna ti an ruah caah CCPR zung an luh hnawh i a si lai,” tiah pumpak himnak ca ah minlanghter lomi minung pakhat nih a chim.

Thantlang phak hlan Laipawnglung ah an tliahmi hna i Thantlang palik sakhaan ah an hren hna lio a si rih.

Ralkap nih CCPR zung an luh hnawh lio ah ttuanvo ngeitu pakhat zung a kaimi a um i, a zaam khawh le zaam khawh lo theih a si rih lo.

Latest News

News in Burmese