Paletwa Ralzam Pawl Ei Awk Facang an Ngei Ti Lo

| The Chin Journal | Hakha, Chin State

Kawl ralkap le AA karlak kahdohnak ruang ah Paletwa peng Miza khua ralzam camp ah aa dormi Chin ralzam pawl ei awk facang ngei ti loin an um, tiah theih a si.

Miza ralzam camp ah hin Paletwa peng Pyidaung, Konepyin, Kintalin le Satlaiwah khua in a rak zaammi pawl an i dor i Chin ramkulh cozah, zatlang bu hna le biaknak lei bu hna nih bawmhnak an rak pek tawn hna.

Asinain, aluancia thla 2 hrawng in bawmhnak an hmuh ti lo caah facang ei awk ngei loin harsa ngaiin an um hna.

“Miza ah kan umnak kum 2 leng a si cang. Kuli ttuan awk a um caan ah kan ttuan. Caan karlak chung NGO pawl nih bawmhnak a kan pek caan a um. Asinain, atu cu zei bawmhnak hmanh a phan ti lo. Lo tuah awk zong kan ngeih rih lo tikah khuasaknak lei, abikin, facang kong ah kan har tuk hringhran,” tiah ralzam pakhat nih a chim.

Miza ralzam camp a rak phak kaa ah minung 600 hrawng an si. Cu chung ah cun minung 100 hrawng cu Tikir ah an rak i tthial cang.

Cherhchan: Khonumthung Burmese

Latest News