Paletwa Ralzam Hna Ca ah Pu Ram Cung nih Ting 50 a Hlut

| The Chin Journal | Hakha, Chin State

Chin ramkulh, Paletwa peng chung ah AA hriamtlai le Kawl ralkap kahdohnak ruang ah harsatnak a tongmi ralzam hna ca ah Hakha khuasa Pu Ram Cung nih ting 50 MMK a hlut, tiah theih a si.

Pu Ram Cung nih ralzam hna ca ah a hlutmi tangka cu March 3 ah Chin ramkulh sipin vuanci U Soe Htet nih cohlannak a ngei.

“Paletwa ralzam hna caah atu bantuk in Pu Ram Cung nih a hlutmi cung ah Chin ramkulh cozah aiawh in kan i lawm tuk tiah chim duh. Hi tangka hi Paletwa peng ah a ummi ralzam hna sin ah a rannak in phakter kan i zuam lai,” tiah U Soe Htet nih a chim.

Paletwa peng nih abikin eidin tirawl an phiarnak Paletwa-Kyauktaw lam cu kahdohnak ruang ah phih a si i, Paletawa khuachung ah facang cawk awk zong a um ti lo, tiah khuami nih an chim.

Matupi lei in Paletwa caah eidin tirawl le diesel a phormi motor zong February 29 ah Samee pawng ah hriamtlai in an khangh i, motor ah aa citmi minung 4 chung ah pakhat zong an tlaih, tiah theih a si.

Ref-Hakha IPRD

Latest News

News in Burmese