Paletwa Ralzaam Caah Hakha Hrambunh CCERR nih Bawmhnak Pek a Timh

| The Chin Journal | Hakha, Chin State

Chin ramkulh, Paletwa peng AA le Cozah ralkap kahdohnak ruang i a zaammi Chin ralzaam hna caah Hakha hrambunh (Community Care For Emergency Response AndRehabitation – CCERR) nih mizapi sin ah bawmh halnak tuah an tim.

CCERR phu in Pi Biak Mawi Sung nih; “Paletwa cu kanmah Chin miphun kan unau an si, har an ton caan ah kan zoh sawhsawh kho hna lo, kan si khawhnak hoih in bawmhchanh kan timh hna. Kan si khawhnak hoih tiah ka chim duhmi cu tangka lei lawng in kan bawmh khawh hna lai. Thutdir eidin le an herhmi tete bawmh kan duh hna” tiah a chim.

Paletwa ralzaam bawmhnak caah Paletwa peng ummi hna, Chin ram chung biaknak kip, CSO le bawmhchanh duhnak lungput a ngeimi hna sin ah tu thla chung kan kholh lai i May thla chung ah va pek khawh ding in timhlamhnak kan ngei tiah a chim.

Feb. 3, AA le cozah ralkap kahdohnak ruang ah Chinmi 200 leng Bangladesh ram lei ah an zaam. Asinain Bangladesh cozah nih an ram chung umnak nawl an onh hna lo ruang ah thawl an tong.

-Khonumthung; Irrawaddy

Latest News