Paletwa Peng Minung Pathum Kum 3 Cio Thongthlak Ding in Bia an Khiah Piak Hna

| The Chin Journal | Hakha, Chin State

Chin ramkulh, Paletwa peng Sin-latt-wa khuami 3 cu hriamtlai he i pehtlaihnak upadi 17 (1)(2) in an tlaih hna hnu ah April 10 ah Paletwa biaceih zung nih kum 3 cio thongthlak ding in bia a khiah piak hna.

Kum 3 thongthlak aa huahmi hna cu Shin-latt-wa khuami U Thar Htun (47), Mg Zaw Min Hteik (25) le U Htun Aye (30) an si.

“A tlaih hna nak caan thla 3 hrawng a luan cang. Voikhat hmanh kan tong kho hna lo. Biaceih zung nih a dih umek nakin bia an khiah cang, biaceih zung ah luhnak nawl zong kan hmu lo. Minutes 10 hrawng a luan hnu ah kum 3 cio thongdan an pek hna timi thawng kan theih” tiah U Htun Aye nupi nih a chim.

Kum 3 thongdan pek a tongmi hna cu Paletwa thonginn ah an chiah hna. Chungkhar zong nih an va ton cang hna. Chekhlainak an tuah hna lio ah hin hliamhma an tuar caah chungkhar nih sii-ai pawl va pek ding in timhlamhnak an ngei.

Shin-latt-wa khuami pathum cu aluancia January thla ah Kawl ralkap nih an tlaih hna. Nahchuahtu minung nih AA he pehtlaihnak an ngei tiin Kawl ralkap sin ah lihhrokhrol thawng an pek hna ruang ah an tlaihmi hna a si tiah chungkhar lei nih an chim.

-Narinjara

Latest News