Paletwa Peng Khuate ah Ramlak Kal Lo Ding in Kawl Ralkap nih Ralrin Peknak an Tuah

| The Chin Journal | Hakha, Chin State

Chin ramkulh, Paletwa peng khuate cheukhat ah ramlak kal lo ding tiin Kawl ralkap nih ralrin peknak an tuah tiah khuami pakhat nih a chim.

Paletwa peng, Tha-run-ai, Zin-bawng le Tok-cye-wa khuate i a ummi khuami hna nih ramlak kal lo ding tiin Kawl ralkap nih ralrin peknak an tuah hi a si.

Paletwa peng i a ummi min langhter lo khuami cheukhat ramlak i paa le rua-tuai an kawl lio ah bomb a puak, cun bomb dangdang zong an hmuh ruang ah atu bantuk in ralrin peknak an tuah hi a si.

April 8, zaan suimilam 11:00 hrawng ah Paletwa peng Myit-latt-wa khua pawng ah AA le Kawl ralkap an i kap tiah khuami hna nih an chim.

Chin ramkulh cozah chimnak nawl ngeitu Minister U Soe Htet nih “AA le Kawl ralkap kahdohnak ruang ah khuami pawl an tuar sual nakhnga lo ralrin peknak tuah a si ko nain, nan kal hrimhrim lai lo timi hmun rikhiahnak thawngthanh belte a um lo” tiah a chim.

-RFA

Latest News