Paletwa Peng Khuami Pawl AA nih an Khua Chuahtak Ding in Ca an Kuat Hna

| The Chin Journal | Hakha, Chin State

Chin ramkulh Paletwa peng khuate chuekhat ah AA hriamtlai pawl kan rak lut lai tiin ca an kuat hna ruang ah khuami cheukhat nih khua an zaamtak.

A zaam kho lomi nutar putar pawl lawng khuachung ah an taang tiah hartong bawmchantu phu in U Aih Lin nih a chim.

U Aih Lin nih “AA nih khuami pawl an tlerhkhawnh hna, cu ka khua ah kan lut lai, kha ka khua ah kan lut lai tiin ca an kuat hna ruang ah tihphan lung in khuami nih an khua cu an zaamtak. Atu ah keimah theih tawk ah cun, khua hnih nih khua an zaamtak cang. Mino deuh pawl cu khua dangdang ah an zaam hna, nutar putar belte an zaam kho lo caah kan tih zong ah thih tiin khua ah cun an taang” tiah a chim.

-Chin World

Latest News