Paletwa Peng ah Chinmi Pathum Mei nih a Kangh Hna, Sii Thlopbulnak Caah Bawmh an Hal

| The Chin Journal | Hakha, Chin State

Chin ramkulh, Paletwa peng ah pafa hna pathum meikanghnak in hliamhma fak an tuar tiah theih a si.

Paletwa peng, Pone-chaung-wa khuate ah March 14, zaanlei suimilam 4:00 hnu ah pafa hna pathum cu ruah lo piin mei nih a kangh hna.

March 15, zaanlei suimilam 3:00 hnu ah sii i thlopbul ding in Paletwa siizung an rak phakpi hna tiah Wai Lu Kyaw Foundation nih a langhter.

Meikanghnak in hliamhma a tuarmi hna hi U Da Wit (kum 24), a fanu Ma May Thet Kyi (kum 4 le thla 6) le a fapa Mg Kyaw Lin Htet (kum 1 le thla 6) an si. A fapate hi hnuk ding lio a si.

Atu ah siizung umnak tangka lei chambaunak lianpi an tong. Cucaah Wai Lu Kyaw Foundation nih bawmh an halpiak hna. Tangka lei in bawmhchanh a duhmi nih WLKF, Ph. No. 09455500014 ah pehtlaihnak tuah khawh a si.

-Wai Lu Kyaw Foundation

Latest News