Paletwa District Pek Ding Myanmar President Sin Tiang Ca an Tial

| The Chin Journal | Hakha, Chin State

Paletwa ah Myone/peng pathum ser i Paletwa District pek ding in Khumi National Party (KNP) nih Myanmar ramkomh President U Win Myint sin ah ca an tial, tiah theih a si.

Paletwa Myone, Sami Myone le Miza Myone timi Myone pathum in serchap i Paletwa District pek ding in aluancia January 2019 ah khan KNP nih rampi President sin ah ca an rak pek hi a si.

KNP Chairman U Kyaw Tun nih, “Rampi President sin ah kan ca a phan cang i Chin ramkulh cozah sin pek ding ca zong Paletwa penguk kan timhlamhter. Atu thla chung ah cu ca cu Hakha ah a phan lai,” tiah The Chin Journal a chim.

Rampi President sin ca an pekmi ah “Paletwa peng cu hmunhma lei zong in a dang tein a ummi a si i Chin ramkulh cozah nih uknak lei le covo lei zong in a phunphun in a kan thleidan,” tiah KNP nih an langhter.

Cun, Paletwa District peknak kong ah harnak a um sual a si ahcun Matupi District hi lakpiak than i Paletwa District tu ah rak kan serpiak u, tiah KNC nih Myanmar President sin an pekmi ca ah an telh chih.

Latest News