Paletwa Bomb Tlaknak ah a Thimi cu Nufa Hna le Kum (9) Ngakchia Pate an Si

| The Chin Journal | Hakha, Chin State

Nihin zanlei Paletwa khuachung ah bomb a tlak ruang ah a nunnak a liammi hna cu hringtu nu le a fanute le kum (9) ngakchia pate an si, tiah Chin Human Rights Organization (CHRO) nih report a chuah.

Zanlei sml. 5:00 hrawng ah khan Paletwa khuachung Myanmar Economic Bank le Mucu Sianginn karlak ah bomb a tla i, Bank ah rian a ttuanmi Daw Aye Thandar le a fanute an nunnak a liam pin ah kum (9) ngakchia pate zong a nunnak a liam ve.

Bomb a puah lio ah Bank pawng ah aa chokmi pa pakhat zong hliamhma a pu ve, tiah CHRO nih a langhter.

Paletwa khuachung ah bomb a tlak i minung (3) an nunnak a liammi kong he pehtlai in Kawl ralkap le AA nih phung ning in fianternak le thawngthanhnak an tuah rih lo.

Nihin zinglei sml. 9:00 hrawng zong ah khan Paletwa varal lei ah a ummi Misa khuate pawng ah bomb a tla i dumchung ah tisik anhnah a ttomi kum 40 nu pakhat a nunnak a liam, tiah Irrawaddy nih hihin zanlei ah a ttial ve.

Latest News

News in Burmese