Paletwa ah Facang Cawk Awk a Um Ti Lo, an Hnabei Dong

| The Chin Journal | Hakha, Chin State

Chin ramkulh, Paletwa khua facang cawk awk a um ti lo caah khuami pawl lungrethei vansang in an um hna, tiah theih a si.

Methodist Khrihfabu ah Pastor a simi Himg Thang Hnga nih, “Rakhine lei ah kan phiar tawnmi facang phiarnak nawl a kan pek ti lo caah facang cawk awk a um ti lo. Paletwa mipi nih Rakhine in a rami facang hi kan tohmi a si. Atu cu cawk awk a um lo tikah chungkhar kip harnak kan tong cang. Thla rak kan campiak u,” tiah a chim.

Paletwa peng ah AA le Kawl ralkap kahdohnak a um tik ah AA sin ah facang a phak nakhnga lo atu bantuk in Kawl ralkap nih facang phiar an kham hi a si.

“Facang kan harnak ni 5 hrawng a si cang. Facang a chia bik kan timi hmanh tun khat ah 35,000 a si cang. Mah hmanh cawk awk a um ti lo,” tiah patung pakhat nih a chim.

Latest News