Pafa Hna Umnak Inn Pawng ah Bomb a Rak Tla i Fak Ngai in Hliamhma an Tuar

| The Chin Journal | Hakha, Chin State

Rakhine ram, Mrauk-u peng Baung-duat khuachung pafa hna umnak inn pawng ah bomb pakhat a rak tla i a puah hnawh hna. Hliamhma fak tuar in Mrauk-u siizung ah an kalpi hna.

Baung-duat khua kiangkah ah nizaan (April 17) suimilam 10:00 pm hnu ah kahdohnak meithal thawng theih a si tiah khuami nih an chim.

Meithal thawng a than lio ah cun U Maung Than Aye (kum 40) le a fanu Ma Htey Htey Aung (kum 14) cu chungkhar hna he inntang ah an i thup.

Suimilam 2 hrawng a luan hnu ah Bomb pakhat cu an umnak pawng ah a rak tla i a puak. Bomb puahnak in hringtu pa cu a hnar ah hliamhma fak a tuar. Cun, a fanu Ma Htey Htey Aung zong a kehlei baan ah bomb cii nih fak ngai in a peh.

“Kahdohnak hi zaan sml. 10:00 hrawng in aa thok i suimilam 1 chung hrawng an i kap” tiah Kawl ralkap lei in General Win Zaw Oo nih a chim.

Asinain, khuami hna nih cun zaan sml. 10:00 hnu in an i kap i deilei suimilam 5:00am tiang hrawng an i kap tiah an chim.

-RFA

Latest News