Online in Air Ticket Cawk Tik ah Ralrin Ding: Za Bik Bualtheng

| The Chin Journal | Hakha, Chin State

Ramchung ramleng ah a ummi Chinmi hna nih khualtlawn tik ah online website hmang in vanlawng ticket kan cawk tik ah ralrin a herh ngaingaimi thil kong Za Bik Bualteng nih a langhter.

Za Bik Bualteng nih, “Vanlong ticket cawk tikah agent website hman a um lengmang. Cu hna lakah Cheapoair (hihi onetravel.com he an ikhat), flightnetwork.com le a dangdang pawl hi a laar deuhmi an si hna. Cu hna lakah ralrin ngai a haumi cu “flightnetwork.com” hi an si,” tiah a langhter.

Man tlawm poh kawl kan hman tikah annih hi man tlawmpalte an itialter. Asinain an website ah information tha te in an chia duh lo. Na chonh hna tikah phun tampi in a man a kai thluahmah lai. Man tlawm lawhter kha rap an chiahmi a si, tiah flighnetwork.com ralrin a herhnak kong a chim.

Cun, “Ralrin a haumi pakhat cu Japan Airport khi an si. Airport thlen haumi a um lengmang (visa lak haumi zong a um rua). Cucu Cheapoair website ahcun tha te in an langhter nain flightnetwork ahcun a lang lai lo. Flightnetwork ah mi tampi an sungh cang caah ralrin peknak caah ka van tialmi a si,” tiah a fianter chap.

“Agent fee pek lo na duh ahcun hitin tuah khawh a si. Eg. Cheapoair ah IND to DFW tiah na zoh tikah American Airlines (non-stop) man dim cem tin a hmuh ahcun aa.com ah va kal law, cunak tlawm deuh (fee an ei dingmi zuh) khan va cawk khawh a si. Zei bantuk vanlawng dah man a tlawm ti le information laknak lawng ah hman hna i na kal duhnak vanlawng na fian khan cun cu vanlawng website ah direct in va cawk ahcun fee na luat pin ah information update an in tuah peng khawh lai,” tiah Za Bik Bualteng nih siaherhnak he a chim.

-ZaBik Bualteng (ICLS)

Latest News