One Championship ‘Reign of Valor’ Puai ah Myanmar Ram in Minung 3 an i Thong ve Lai

| The Chin Journal | Hakha, Chin State

Yangon khua ah tuah timhmi One Championship ‘Reign of Valor’ puai ah Myanmar ram in Lai pa Tial Cung Thang, Phoe Taw le Antoniyar (Nu) an i thong ve lai.

Reign of Valor puai ah aa thong dingmi hna aralaimi March 5 ah Open Workout an tuah lai. Myanmar mi pathum nih mah le mah theihternak (introduce) zong an tuah te lai.

Open Workout cu Yangon khua Junction Mawtin, Transcend Gym ah zaanlei suimilam 2:00 in 4:00 tiang an tuah lai. Mizapi rak i tel ding in sawmnak zong an tuah.

Aralaimi March 8, Yangon khua Thuwana Indoor Stadium ah ‘Reign of Valor’ puai cu an thok cang lai.

A hnu bik puai, puai-ngan ah aa thong dingmi hna cu One Welterweight Champion a simi Sweden pa ‘Zebaztian Kadestam’ le Kazakhstan rammi ‘Georgiy Kichigin’ an si te lai.

Tial Cung Thang le Cambodia pa Rin Saroth, Myanmar nu Bozhena Antoniyar le Malaysia nu Audreylaura Boniface an i thong lai. Cun Phoe Taw le Indonesia pa Yohan Mulia Legowo an i thong lai.

-Mizzima

Latest News