Nupi Thit Puai a Kalnak in Ni 18 Chung Inn a Rak Hlam Ti Lomi Pa Van Uk Cung; Chungkhar Hna Lungrethei in an Um

| The Chin Journal | Hakha, Chin State

Hakha peng, Zokhua mi Pa Van Uk Cung (kum 20) cu aluancia April 1 thok in Zokhua he meng 15 hrawng aa hlatnak Ruadeu khua nupi thit puai va zawh ding in a kal. Cu nakin cun nihin tiang inn a rak hlam ti lo tiah chungkhar sin in thawng kan theih.

“A kal ni in nihin tiang a chawnh zong kan chawn kho lo, a konglam kan thei kho lo. April 1 kha a kal ni cu a si. Ruadeu ah nupi thit va ngeih puai a um i ka kal lai a ti. Phone aa ken ko nain kan chawn kho lo” tiah hringtu a nu Pi Ni Ian nih The Chin Journal thawngzamh ah a chim.

Ruadeu nupi thit va ngeih puai ah chikhat ka va kal ta lai, ka hawile nih lam in an ka hngah a ti i cycle in a kal tiah hringtu a nu sin ah cun a chim ta.

“Anih hi mawtaw a mongmi a si, ka hngol cang lai a ti i khua ah a ra. Ruadeu ah nupi thit va ngeih puai a um i chikhat ka va kal ta lai a ka ti i cycle in a kal” tiah a chim.

Pa Van Uk Cung hi Hakha-Monywa-Pyin-oo-lwin karlak mawtaw in a hlat tawnmi a si tiah hringtu a nu Pi Ni Ian nih cun a chim.

A hmutu nih pehtlaihnak nan rak kan tuah naklai Phone 09442000468 ah pehtlaihnak nan kan tuah naklai tiin nawlnak zong an tuah.

Latest News