Nulepa Um lo Kar ah Tafar Hna Pahnih an Inn Hmai ah Bomb nih a Puah Hnawh Hna i an Nunnak Liam

| The Chin Journal | Hakha, Chin State

Mandalay ramthen, khuate pakhat ah tafar hna pahnih cu hringtu nulepa leng an chuah kar ah bomb nih a puah hnawh hna i an nunnak a liam. Hi thil a can hi March 8, zinglei suimilam 7:45 hrawng ah a si.

Thil sining cu Mandalay ramthen, Meikthila peng Thi-pyin-kone khuate, Middle school ah tang 7 a cawngmi Mg Chit Te Soe (kum 12) nih an inn hmai ah kut hlonh bomb cu lentecelhnak ah a hman, vawlei ah a hun den i bomb cu a puak. A pawng i a ummi a unu Ma Yi Ma Khaing (kum 21) zong a puah hnawh ve.

A hmun ah an tafar in an nunnak liam tiah palik nih an chim.

“An pahnih lawng inn ah an um, aluancia thla 1 hrawng ah khan meng 2 hrawng aa hlatnak hmun ah ralkap pawl seh bomb kah ning training an tuah. Khuazei bomb a si timi cu hngalh a si lo, hi hmun ah hin Mg. Chit Te Soe hi Meheh a va cong bal. Bomb a char hnu ah a den hi a si kho. Nan fale bomb nih a puah hnawh hna tiah kiangkap minung nih an kan chimh i kan va zoh hna ah cun a rak thi cang. Kan khua ah, hi bantuk hi a cang bal lo, atu in a voikhatnak a si” tiah tafar hna pahnih i an pu U Win Nyuant nih a chim.

-The Voice

Latest News