Nulepa Nih Liamtak Cangmi Bang in Esther nih Biachim a Sual Caah Fianternak le Nawlnak a Tuah

| The Chin Journal | Hakha, Chin State

Myanmar Idol Session 4 ah kan Lainu Esther Dawt Chin Sung nih nulepa nih liamtak cangmi bantuk in bia a chim sualmi kong ah October 2 ah fianternak le nawlnak a tuah, tiah theih a si.

Myanmar Idol i Judge Audition lio ah Esther nih Mirang le Kawl hla a sak hna i biakhiattu Phyo Phyo Kyaw Thein, Aung Ko Latt le Tin Zar Maw an lung a tling ngai.

Asinain, an hun capo ta i hmaikum ah rak i zuam than te tiah an ti. Esther ngaihchia in a um.

Cu ah cun, “Hi bantuk harnak lamthluan hi ka ton lai ti kaa ruah ciami a si ko. Ka nulepa hmanh an um lo buin (မိဘေတြေတာင္မရွိဘဲနဲ႔…ဒီကို…အားမငယ္ဘူးလာၿပိဳင္ခဲ့တယ္)…hika hmun ah ka rak i zuam hi ka thazaang a der hlei lo,” tiah mitthli haa bu le awthir buin a chim.

Myanmar Fan tampi nih nulepa nih thihtak cangmi ngaktah ah an ruah i an tuarpi ngaingai.

Sihmanhsehlaw, Esther nih, “Zuamnak lio ah ka chimmi nulepa um lo buin kaa zuam ka timi cu ka nulepa (Hi Leicung ah) an um ti lo tinak a si lo. Nulepa he i then i Yangon ah ka um timi ka chim duhnak a si. Cun, kaa zuam lio ah ka nulepa ka ngaih tuk hnanak lungthin in ka chim sualmi a si. Nulepa hi vawleicung ah um ti lo timi cu atu ka ruah hmanh ah ka tih tuk…Ka biachim ka rak palh ruang ah nan ka theihthiam naklai nawlpat kan duh hna,” tiah a Facebook ah Kawlca in a tial.

Latest News