Nufa Hna Ca ah $7,000 a Tlin Nakhnga Bawm Cio U Sih

| The Chin Journal | Hakha, Chin State

A vapa nih a kaltak ruang ah Yangon lamkam ah kum khat fai a fate he harsa ngaiin caan a hmangmi kan unau Falam nu Thawng Za Sang (Sangte) le a fate ca ah GoFundme ah tlawm an halpiak.

$7,000 tal hmuh ding in timhtuah a si i, ramchung ramleng dawtu Chinmi tampi nih rau lo te ah an hlut cio caah atu ah $5,000 dengmang a chuak cang.

A chuakmi tangka a zapi (100%) in nufa hna kut ah pek a si lai. Laimi hna zong nih kan kut samh i zuam rih hna u sih!

Hika “Sangte Le a Fate Ca ah Bawmhnak” timi link hi hmet lawng tangka hlutnak GoFundme Page ah an phan lai.

Sangte cu Falam peng, Farso khuami a si. Kum 19 a si in Yangon a phan i nau a pawi lio ah a vapa nih Yangon Bus Station ah a rak kaltak.

Cucaah, lungrethei vansang le harsa ngaiin Yangon khuachung lamkam ah kutdok dirhmun, riahnak le eidinnak hmunrep ngei loin an nufa tein a kum in an rak vai.

A fapate hi kum khat le thla thum a si cang. July 24 ah Shwe Kyar zatlangbu nih lamkam minung pawl ca ah alak in rawl an pek timi thawngpang an theih ve caah Mai Sante le a fate cu an vung i thawh ve.

Cuticun, Shwe Kyar nih nufa hna cu bia an ruah tik hna ah Mai Sante nih thil sining a chimh hna.

Mai Sante le a fate Laitlang an tlun khawh nakhnga Shwe Kyar bu nih Hakha Mann ah an vung thlah hna.

Bus Ticket zong an cawkpiak hna i lampi rawl einak ca ah tangka zong an rawnh hna. Nufa hna cu nihin zing ah kha Hakha lei ah Hakha Mann Bus in an i thawh cang i lamtlaun ahcun nihin Hakha an phan lai.

Latest News