Northern Alliance Nih Thla (1) Chung Kahdohnak Kan Ngol Tiah Thawng an Thanh

| The Chin Journal | Hakha, Chin State

Northern Alliance chungtel AA (Rakhine), MNDAA (Kokang) le TNLA (Ta’ang) nih Kawl ralkap he i kahdohnak thla (1) chung kan ngol tiah September 9 ah thawngthanhnak an tuah.

September 2 ah ah khan Myanmar Peace Commission (MPC) he Kyaingdon ah kahdaihnak kong ah rak i ceihhmai caah cu lio ah cun kahdohnak kan ngol chung tiah Northern Alliance nih caan karlak an rak thanh.

Sihmanhsehlaw, cu caan karlak chung ah cun Kawl ralkap nih Shan ram nichaklei hmun (2) ah Northern Alliance cu an kah thotho hna.

Atu September 9 ah kahdohnak thla (1) chung kan ngol tiah thawng an thanh nain Kawl ralkap lei nih a run kan kah cun i runvennak ah kan kah ve ko hna lai, tiah cathanh ah an telh chih.

Atu thla chung ah Myanmar cozah aiawhtu MPC le Northern Alliance chungtel pawl ton biaruahnak an tuah chap rih lai, tiah theih a si.

-7Day News Journal

Latest News