NLD Upadi Cheukhat Hrawh Ruang ah Ralkap Runvennak Rian a Hnorsuan

| The Chin Journal | Hakha, Chin State

NLD cozah nih upadi cheukhat a hrawh hna ruang ah ralkap runvennak rian ah hnorsuannak a kan pek, tiah Kawl ralkap lei nih an chim.

NLD cozah a kai hnu ah upadi panga hrawng a hrawh i cu upadi pawl cu Kawl ralkap nih runvennak ca ah tiin an rak i tlaih deuhmi lawngte an si hna.

Cu upadi a hrawhmi hna chung ah cun 1975 ah rak serchuahmi “Rampi buaibaiter le hrawhral a duhmi hna kut in runvennak upadi” (State Protection Law), “1950 ah rak serchuahmi Emergency Provisions Act” le Ward or Village Tract Administration Law timi “Mikhual cazin nawlngei tu sin ah ap zungzal ding” timi upadi hna hi an i tel.

NLD nih a cunglei upadi pawl a rak hrawh ka ah khan USDP nih, “Rampi nawlngeihnak USDP kut ah a um ahcun NLD nih a hrawhmi runvennak upadi pawl hi kan nunter than hna lai,” tiah an rak chim ve.

Atu bantuk in NLD nih runvennak he aa pehtlaimi upadi pawl a hrawh hna ruang ah rampi runvennak rian lei ah harnak kan tong, tiah August 24 ah tuahmi ralkap thawngdik zamhtu bu in Gen. Tun Tun Ngyi nih a chim.

-Irrawaddy

Latest News