NLD Nih Coalition Government Dirh Ding ai Nawl Kho Rih Lo

| The Chin Journal | Hakha, Chin State

2020 Myanmar rampi thimnak zong ah teinak hmuh hrimhrim ding in NLD nih aa timtuah i party kip fonh in sermi cozah (Coalition Government) Myanmar ram ah a kai lai ding cu NLD nih a cohlang kho hrim rih lo.

September 21 thawk in NLD Central Committee thla 6 voi khatnak tonpumhnak cu Yangon ah an tuah i NLD Central Executive Committee (CEC) chungtel U Tin Tun Oo nih Myanmar ram ah Coalition Government a kai lai ding hi a si kho hrimhrim rih lo, tiah a langhter.

“Atu bantuk si loin Coalition Government nih ram hruai sehlaw kan ram hi hmainor kho lo, hnu zong ah i thawn kho lo dirhmun ah kan um lai ti hi kan theih a herh,” tiah a chim.

Democracy Federal Union rampi ahram a feh nakhnga a thawngthami cozah pakhat cu caan zeimawzat chung a dir a herh i cucu mipi zong nih an fian nakhnga kan i zuam a herh, tiah U Tin Tun Oo nih a chim chap.

Atutan NLD nih a tuahmi tonpumhnak cu September 21 in an thok i September 22 tiang an tuah lai, tiah theih a si.

-7Day News Journal

Latest News