NLD Hnuzul 70 Hrawng Thah an Rak Tonnak Khua ah Daw Suh a Phan

| The Chin Journal | Hakha, Chin State

Aluancia kum 17 ah NLD hnuzul minung 70 hrawng thah an rak tonnak Sagaing ramtthen, Depayin khua ah Daw Aung San Suh Kyi cu kum 17 hnu ah a voi khatnak bik a phan.

March 11 ah Daw Suh cu Depayin khua ah a phan i, minung a thongthong nih an don.

Aluancia May 30, 2003 ah hika Depayin khua ah hin Myanmar ram tuanbia ah ttih a nung bikmi thahnawnnak pakhat a rak chuak.

Daw Suh le a zultu pawl cu Depayin khua ah an lut i khawzei in an rak phak tiah theih lomi mibu 5,000 hrawng nih thingtan le vainam in an rak chuah hnawh hna.

Cu mibu cu an ban ah puan sen an i ttem dih i, NLD a zultu minung 70 cu ruru hranghrang in an rak thah hna.

Daw Suh belte a motor mongtu nih khulrang in hmun dang ah a zaampi manh i thahnawnnak in a rak luat.

Hi thahnawnnak a rak tuahtu hi mah lio caan i ralkap cozah a si lai tiah an zumh nain thahnawnnak ah ttuanvo a ngeitu ahohmanh biaceih zung ah chuahpi an si rih lo.

Latest News

News in Burmese