NLD Cozah kan Herh lo Timi Catlap Pawl Mandalay ah an Zamh

| The Chin Journal | Hakha, Chin State

NLD cozah kan herh lo timi ca pawl an tialnak catlap tampi cu Mandalay khuachung ah October 7 zinglei ah an zamh i palik nih catlap a zamhtu kawlhawlnak an tuah cuahmah, tiah theih a si.

Lamcung ah catlap pawl a zamhmi ah “An chim bang in a tuah lomi cozah kan herh lo” “Rammiphun kong zei ah a rello in Kala pawl upavo a pemi cozah kan herh lo” tibantuk ca pawl aa tial.

Cu lawng si loin, “Ram thanchonak pakhat hmanh um tung loin ngunkhuai karh in a latu acozah kan herh lo” “Bengali pawl kutka a onpiaktu acozah kan herh lo” tibantuk ca pawl an tial chih.

Hi catlap pawl a zamhtu hi ahote an si timi theih an si rih lo i, lamcung i CCTV pawl checknak an tuah cuahmah.

Atu bantuk in NLD cozah duhlonak ca phawtzamh le lamkam tung pawl ah sticker pawl tar in duhlo langhternak hi aluancia July le August zong ah khan Mandalay ah an rak tuah bal cang.

-MCN

Latest News