NLD: 2020 ah aa Cuh Ding NLD Palai Pawl Khuanu/Khuapa Nih an Thim Hna Lai

| The Chin Journal | Hakha, Chin State

Aralaimi 2020 Myanmar rampi thimnak ah NLD party aiawh in aa cuh dingmi palai pawl cu khuanu/khuapa hna nih an thim hmasa hna lai, tiah atulio Mandalay ramthen vuancichoh a si i, NLD CEC chungtel zong a simi Dr. Zaw Myint Maung nih a chim.

“Palai thimmi pawl hi NLD zulhphung he aa tlakmi cu an si ve lai. Atu ah vun chim chung awk zong a tuan deuh rih. A fiangmi cu aralaimi thimnak ah cuh aa timmi palai pawl thim tik ah khuanu khuapa an i tel cang lai ti hi a si. 1990 thimnak lio zong ah aa cuh dingmi pawl khuanu khuapa nih an rak thim hna. Atu zong mah kan rak kalning cu kan tharchuah than lai. Zulhphung zong kan ser cangi a rauh hlan ah zapi theih in kan thanh lai,” tiah Dr. Zaw Myint Maung nih a chim.

September 30 ah tuahmi Mandalay ramthen hluttaw tonpumhnak ah Dr. Zaw Myint Maung nih a cunglei bang in a chim hi a si.

“Atu Mandalay ramthen chung i NLD hluttaw palai pawl an riantuan ning le sining tling tein record chiah a si i, cu record cu zohchunh in NLD party nih teinak kan hmuh nakhnga a kan kalpitu ding in committee dirh than a si lai. Cu committee zong ah cun khuanu/khuapa pawl an i tel ve thotho lai,” tiah a chim chap.

-News Watch

Latest News