Nihin Zinglei ah Paletwa Peng Chung ah Kahdohnak a Chuak

| The Chin Journal | Hakha, Chin State

Chin ramkulh, Paletwa peng chung ah nihin September 6, zinglei  ah kahdohnak a chuak than, tiah khuami hna nih Rakhine tualchung thawngzamnak sin ah an chim.

Zinglei sml. 7:30 hrawng ah Paletwa peng chung Hna Mada khuate kiangkap ah i kahdohnak meithal puah thawng kan theih tiah an ti.

Hna Mada khuate ah a ummi pa pakhat nih, “Kan khua he meng 2 le cheu hrawng aa hlat men lai. Lo ah kan um lio a si i minute 10 chung hrawng an i kahmi thawngpang kan theih,” tiah a chim.

Minung pakhat nih, “Hna Mada khua pawng Hnanchaung khuate pawngte ah a si. Motor lamkam ah bomb voi khat a puak. Cu a puahnak hmun cu Kawl ralkap nih a lang in an kah,” tiah a chim ve.

Hi kong ah Kawl ralkap lei le AA lei nih thil sining fiang in chimrelnak an ngei lo, tiah Rakhine tualchung thawngzamhnak pakhat a simi Narinjara nih a tial.

Latest News