Nihin Yangon ah Pu Tluang Lian Hnin a Nunnak a Liam

| The Chin Journal | Hakha, Chin State

The Chin Journal rianttuannak ca ah chawva lei in bawmhnak a kan pe zungzaltu Yangon khuasa Pu Tluang Lian Hnin (kum 36) nih nihin zinglei ah a kan liamtak timi thawng kan theih caah The Chin Journal chungtel rianttiantu vialte kan ngaih a chia hringhran.

Yangon, Insein, BOC pawng ah a ummi Pu Tluang Lian Hnin cu nihin zinglei sml. 10:30 hrawng ah a nunnak a liam.

Pu Tluang Lian Hnin cu University of Yangon ah Law in degree a lak hnu ah, Myanmar Institute of Theology ah BAR degree a lami a si. BAR degree a lak dih in Denmark ram Aalborg University ah Development and International Relations in Master degree a hmumi a si.

Ramdang ca a cawn dih in Myanmar Marketing Research & Development Co.Ltd (MMRD) ah Lead Researcher rian a ttuan i, International Alert, International Law and Policy Institute le Institute for Democracy and Electoral Assistance ah Consultant rian a rak ttuan balmi a si.

Pu Tluang Lian Hnin hi Insein, BOC pawng ah a ummi a si i, fa pathum a ngeimi a si.

Taantakmi chungkhar le cingla-rualchan vialte kan Pathian nih in hnem ko hna seh, tiah thlaza kan cam.

Latest News

News in Burmese