Nihin Hakha ah COVID-19 Mizaw Pakhat an Hmuh Chap

| The Chin Journal | Hakha, Chin State

Nihin ah Hakha Bus Station ah motor mongtu le motor hnuzul pawl zohfelnak an ngeih hna i motor mongtu pakhat sin in COVID-19 zawtnak an hmuh tiah theih a si.

COVID-19 zawtnak a ngeimi pa hi Gangaw ah khua a sami a si i, thetse (Sand) a phormi motor in Gangaw lei in Hakha ah a rak rami a si.

Ni tlawmpal chungte ah Hakha ah COVID-19 mizaw paruk hmuh an si cang.

Cun, Yangon in Hakha ah a rak phanmi minung pathum zong COVID-19 an ngei kho tiah lunghrinh an si caah Hakha sizung ah an chiah hna.

Cu minung pathum i an swab cu Mandalay ah an kuat i COVID-19 an ngeih le ngeih lo a rauh hlan ah a fiang telai.

Atu tiang Chin ramkulh chung ah COVID-19 zawtnak hmuhmi minung 60 an si cang. Hi chung ah hin minung 40 nih damnak an hmu i, a dang minung 20 hi sizung ah an thlop hna lio a si.

Latest News

News in Burmese