Nihin Hakha ah COVID-19 in Minung 2 an Nunnak a Liam

| The Chin Journal | Hakha, Chin State

Nihin (August 7) Hakha ah COVID-19 in minung pahnih an nunnak a liam, tiah thawng kan theih.

A nunnak a liammi hna cu:

  • Sayamakyi Pi Hrang Kip Men (kum 78)
  • Pu Cung Kam (Kum 73) hna hi an si.

Sayamakyi Pi Hrang Kip Men hi Chin ramkulh fimcawnnak zung ah Assist. Director a rak ttuanmi le Chin ramkulh Election Commission chungtel rian a rak ttuan balmi a si.

Pu Cung Kam hi Keisih sang ah a ummi a si i, CJC Khrihfabu chungtel a si.

Nihin ah Hakha khuachung hmun hnih ah minung 54 zawtnak an check hna i minung 12 sin in COVID-19 zawtnak an hmuh tthan.

June 10 in August 7 tiang ah Hakha ah COVID-19 in minung 17 an nunnak a liam cang.

June 10 in August 6 tiang, Hakha ah minung 1,817 an check cang hna i cu chung ah cun minung 432 sin in zawtnak hmuh a si.

Zawtnak a ngeimi minung 432 chung ah minung 303 nih damnak an hmu cang.

An zohkhenh liomi hna mizaw 106 an um, tiah Hakha Township Public Healthcare nih August 5 ah a langhter.

Latest News

News in Burmese