Ni Khat Chung Lawng ah Spain le Italy ah COVID-19 in Minung 800 Leng Veve an Thi

| The Chin Journal | Hakha, Chin State

March 28, ni khat chung lawnglawng ah Europe vawleitthen ah a ummi Spain le Italy ram ah COVID-19 zawtnak in minung 800 leng veve an nunnak a liam, tiah theih a si.

COVID-19 a zualnak bik ram Italy ah March 28 ah minung 889 an nunnak a liam.

Atulio COVID-19 a zualnak bik ram pahnihnak a simi Spain ah March 28 ah minung 844 an nunnak a liam ve.

Italy ah zawtnak a ngeimi minung 92,000 leng an phan i, a dammi 12,000 leng an si ve. Ramhuap in atu tiang a nunnak a liammi 10,023 an si cang.

Spain ah zawtnak a ngeimi 73,000 leng an hun phan manh i, damnak a hmu tthanmi 12,000 leng an si ve. Rampi huap in a nunnak a liammi 5,982 an si cang.

Hi a cunglei ram hnih pin ah hin France, Iran le UK ah COVID-19 zawtnak in a thimi an tam ngaingai ve.

Cun, US ah COVID-19 zawtnak a karh ning a rang tuk. Atu tiang valweicung ah COVID-19 zawtnak a ngeimi an tam biknak ram ah a hun cang.

Zawtnak aa thawknak hmun Tuluk ram ah nizan ah khan minung 3 lawng an nunnak a liam i, zawtnak aa chawn tharmi minung 54 an si. Ramhuap in a nunnak a liammi 3,295 an si ve.

Latest News

News in Burmese