Ni 5 Chung Tirawl Pek Loin Hrenmi Myanmar Bawhte Pakhat Telh in Minung 20 an Khamh Hna

| The Chin Journal | Hakha, Chin State

Ni 5 chung tirawl pek loin Thailand-Malaysia ramri ah hrenmi Myanmar 20 cu Thai palik nih an vung khamh khawh hna, tiah theih a si.

Thai-Malaysia ramri Sadao hmunram ah a ummi Kodaung pakhat chung in ngakchia tah thawng pawl innpa nih an theih tikah palik sin ah thawngthanhnak an tuah.

Thai palik nih an vung kal hnawh tik ah Kodaung chung ah Myanmar rammi bawhte pakhat, kum 14 tang ngakchia 6, nu 5 le pa 9 cu an hmuh hna.

“Palik pawl nih Kodaung chung an vung luh lio ah ngakchia pawl le nu pawl cu an rak tap len. Ni nga chung tirawl a kan pe ti lo tiah an chim,” tiah Thai palik bawi Suchart Theerasawat nih a chim.

Hi Myanmar 20 hi Malaysia ram ah lanhpi ding in Kodaung ah an hren hnami a si kho, tiah a chim chap.

Myanmar minung 20 atu bantuk in a hrengtu bu pawl cu tlaih ding in palik nih hlathlainak an tuah cuahmah, tiah theih a si.

-NST

Latest News