Ni 20 Hnu ah Kim Jong-un a Muisam a Hun i Langh Than

| The Chin Journal | Hakha, Chin State

Zarh thum hrawnghrang khoika dah a um tiin vawleicung mipi khuaruahar in aumter tu North Korea hruaitu Kim Jong-un ni 20 a rauh hnu ah damtluang tein a ummi a hun i langh tthan.

May 1 ah khan North Korea ram khualipi Pyongyang pawng i Sunchon khua ah cinthlak lei sehzung onnak puai ah Kim Jong-un a kai i, onnak zong a tuahpiak hna.

Sehzung Onnak a tuahpiak hna lio video cu North Korea cozah thawngzamhnak KCNA nih May 2 ah vawleicung mizapi hmuh khawh ding in a langhter.

Kim Jong-un hi ni caan sau nawn i langh loin a um ca ah zualhma in a zaw i a si kho tiah a ruatdamhtu le a thi kho men tiah a ruatdamhtu zong an um.

Atu bantuk in thawngpang a hun linhsat lio ah a hun i langh tthan hi a si. Caan karlak chung ah zeidah a tuah ngaingai timi belte fiang in theih a si lo.

Cherhchan: Asia Times

 

Latest News

News in Burmese