Ngakchia Pahnih nih Battery Chung a Ummi Carbon an Ei Sual Ruang ah an Thi

| The Chin Journal | Hakha, Chin State

Bago ramthen khuate pakhat ah ngakchia pahnih nih Battery chung a ummi Carbon an ei sual ruang ah an pahnih in a nunnak a liam.

Hi ngakchia hi Ta-wun-gwe unau an si i Bago ramthen, Ka-ma-nat khuate ah a ummi an si. March 28 zinglei lente an i celh lio ah Battery chung a ummi Carbon dip kha Hai he an i nok i an ei.

Bago siizung an kalpi cuahmah hna lio lam cung ah an nunnak a liam tiah palik nih an chim.

Carbon dip ei sualnak in a thimi hna hi Mg Hein Min Htet (3) le Mg Hein Ko Ko (6) an si. A dang ngakchia pakhat he lente an i celh lio ah Battery chung a ummi Carbon dip cu Hai he an ei tti.

An chung a hun lin i innchung ah va kal in ti an ding, tlawmpal ah an tlu colh. Bago siizung an kalpi cuahmah hna lio ah an nunnak a liam tiah palik nih an chim.

-The Voice

Latest News