NCA Minthutnak Kum 4 Tlin Ni ah RCSS/SSA le Kawl Ralkap an i Kap

| The Chin Journal | Hakha, Chin State

Myanmar ramkomh kahdaihnak minsen thutnak NCA catlap cung ah tlangcungmi hriamtlai bu cheukhat nih minsen an rak thut ni kum 4 a tlin ni thengmang ah Shan ramkulh, Maing Pan peng chung ah RCSS/SSA le Kawl ralkap karlak ah kahdohnak a chuak, tiah theih a si.

NCA hnatlaknak catlap cung ah CNF telh in a dang tlangcungmi hriamtlai bu cheukhat nih aluancia October 15, 2015 ah minsen an rak thut i atu ni hi kum 4 a tlin ni a si.

SSA (Shan State Army) hriamtlai Lt-Col Saing Oo nih, “Aruang um lo bak in kan hmunram chung ah Kawl ralkap an rak lut. Cucaah, kan i kah hi a si. Lampi lei zawh loin kanmah umnak lei ah an rak ra,” tiah a chim.

Kap hnih kahdohnak ah SSA lei in hliamhma a pumi le a thimi an um lo. Kawl ralkap lei an sining zong fiang in theih a si ve lo.

SSA cu Restoration Council of Shan State (RCSS) i hriamtlai bu a si i, AA, CNF, KIA, KNU/KNLA le Kareni Army he theihthiamnak a ngeimi hriamtlai hawikom an si hna. NCA zong ah minsen a thumi a si.

-Panglong

Latest News