Naypyidaw Hluttaw Zung Hmai ah Drone Camera a Thlahtu Ramdang Pa Myanmar Ram in Thawl a Tong

| The Chin Journal | Hakha, Chin State

Naypyidaw Hluttaw zung hmai ah Drone Camera a thlahtu ramdang pa cu rianhrang le thla 1 thongdan an pek hlei ah Myanmar ram in thawl a tong.

French rammi Mr. Michel Desclaux hi Myawaddy ramri in Myanmar ram ah Visa in a rak tlawngmi a si. Feb. 7 ah .Naypyidaw khua Hluttaw zung hmai ah Drone Camera in hman a thlak ruang ah an tlaih.

Naypyidaw, Oktayathiri peng biaceih zung nih rianhrang le thla 1 tongdan an pek. Cun, Immigration lei Act upadi 13 (1) le Myanmar Airline Act upadi 10 in taza an cuai chap.

March 6 ah taza an cuaimi vialte biachahnak an tuah i Myanmar ram in thawldawi a tong. Asinain, Michel caah aa-ma-khan tangka Ks. Sing 100 (10,000,000) a pe khotu an um lo ruang ah thonginn ah an hren chung rih.

“Biaceih zung nih biakhiahnak an tuahmi cung ah aa lungsii ko, asinain vanchiat ah a theihhngalh le a chungkhar an um lo ruang ah kan hren chung rih lai. Embassy lei in aa-ma-khan tuahpiak khawh a si lo. A ruang cu amah chungkhar minung pumpak nih an rak tuahpiak a herh” tiah Immigration zung bawi U Myint Zaw nih a chim.

-DVB
Photo-Daily Mail

Latest News