/

Nawi Lo Ngei Tam Deuh nih Nawi Dam Ser an Duh Lo

The Chin Journal | Hakha | Chin State
Nawi, Hakha

Chin ramkulh cozah nih Nawi ah Dam ser ding in timhtuahnak a ngeihmi kong he pehtlai in Nawi ah Lo/Lei a ngeimi chungkhar tam deuh nih an duh lo, tiah thawng kan theih.

Dam tuah ding in an timhtuahnak Nawi ah hin Lo/Lei a tuahmi chungkhar 14 an um i, acozah lei nih liamrulhnak pek ding zong in an chimhchawnh hna.

“Leikuang acre pakhat ah ting 50, Ngakaan acre pakhat ah ting 50 le Thlaam tthialnak ah Thlaam ttha deuh ting 50, Thlaam chia deuh ting 30 tiin acozah lei nih liamh ding in a kan chimhchanwh,” tiah Nawi ah Lo ngei a simi Pu Thang Hlun nih a chim.

Asinain, Nawi ah Lo a ngeimi chungkhar 14 chung ah chungkhar 11 nih hmailei caan sau an pawcawmnak kong ah humhimnak a um nakhnga ting 1,000 cio kan liamh hna seh ti an duh.

Atu tiang ah cun cozah lei nih phungning tein nan hmun kan i chuh hna timi thawngthanh le capek a um rih lo i kap hnih karlak ah hnatlaknak zong tlamtling in an tuah kho rih lo.

Nawi ah Dam tuah ding in acozah nih project a ngeihmi kong duhlonak le dohdalnak ca zong kan hnu thla ah khan Chin ramkulh vuancichoh, Myanmar President le Aung San Suh Kyi sin ah an rak kuat cang.

Nawi ah Dam tuah a si ahcun kum caan saupi Nawi ah Lo tuah in a paw a cawmmi chungkhar hna pawcawmnak a hnorsuan lai pin ah Hakha vawleicung a dorh caah Hakha khuapi ca zong ah ttih a nung tiah an ti caah atu bantuk in Dam tuah lo ding in Nawi ah Lo a ngeimi hna nih an doh hi a si.

The Chin Journal Internship Program ah Thantlang, Hakha le Falam ah a ummi paoh i tel khawh a si. Thawngpang lak lenvahnak le Internet Data man thla khat ah 40,000 kan in pek lai. Hi Internship Program ah i tel na duh ahcun APPLICATION FORM hi phi ve.