Myit Tha Tiva ah Chin Tlangval No a Paam

| The Chin Journal | Hakha, Chin State

Kalaymyo khua pawng ah a ummi Myit Tha Tiva ah kum (17) Chin tlangval no a paam, tiah theih a si.

Tiva ah a paammi tlangval no hi Kam Sian Mung Thang (kum 17) a si i, Kalaymyo, chan Myit Aungsi ah a ummi a si.

Nihin zanlei sml. 3:00 hrawng ah khan Tiva ah a tlak hi a si i, zanlei sml. 4:30 hrawng ah a ruak an char khawh.

Myit Tha Tiva pawng ah a ummi Ko Aye Thant nih, “A thimi pate hi a hawipa pahnih he ti an rak i kholh. A hawile zong hi tilio an thiam lo. Tikam he pe 20 hrawng a hlatnak hmun ah a vung tlak hi a si. Kan sang mino (30) nih a ruak cu sur in an kawl i an hmuh,” tiah a chim.

Ti ah a paammi Kam Sian Mung Thang ruak cu sizung ah an kuat i zohfelnak an tuah lai, tiah theih a si.

Cherhchan: Cirhti

Latest News

News in Burmese