Myanmar Thimnak Result Thlennawn Timh Cawlcanghnak kan Cohlang Lo tiah US Telh in Ram 16 nih Cathanh Chuah

| The Chin Journal | Hakha, Chin State

US telh in vawleicung ram 16 nih Myanmar ram thimnak phichuak thlennawn ding in cawlcanghnak vialte kan cohlang lo, tiah nihin January 29 ah Joint Statement an chuah.

Cathanh an chuahmi ah Democracy lamthluan cung a kal cuahmahmi Myanmar ram cu fek tein kan dirkamh tiah an langhter i, Myanmar ramchung tthanchonak rian, nuhrin covo karhchoternak rian le daihnak lenternak rian pawl cu fek tin kan dirpi, tiah an langhter.

Myanmar ralkap le a dang party vialte zong nih Democracy phungphai fek tein i tlaih ding in forhfialnak an tuah chap.

Cun, “Thimnak phichuak thlennawn ding in cawlcanghnak vialte le Myanmar ram Democracy thlennak hrawhral ding in i zuamnak vialte cu kan doh,” tiah an langhter chap.

A cunglei Joint Statement a chuahtu ram hna cu: US, Canada, UK, Australia, Denmark, Czech Republic, Finland, France, Germany, Italy, Netherlands, Spain, Sweden, Switzerland, Norway le New Zealand ram hna an si.

Cherhchan: US Embassy Rangoon

Latest News

News in Burmese